Spæliplássið á Heyggi verður dagført

Hvalbiar kommuna fer nú undir tiltrongdar dagføringar á spæliplássinum á Heyggi.

Í samband við dagføringina verður sandkassin tikin burtur, og í staðin verður ein lítil fótbóltsvøllur gjørdur. Gynguhestarnir verða skiftir út, og eitt nýtt klatritorn verður sett upp mitt á spæliplássinum har sum holið er.  

Trambolinin verður eisini sett upp aftur, og nýtt fallundirlag verður lagt á fyri at økja um trygdina hjá børnunum.

Veitarin kemur suður í næstum at montera.