The post Poul Laust virkandi borgarstjóri first appeared on Hvalbiar Kommuna.

Starvið umfatar dagliga reingerð á skúlanum 3 tímar aftaná skúlatíð.

Vit sóknast eftir reingerðarfólki, sum er:

• Nærlagt í sínum arbeiði.
• Fyrikomandi.
• Opin fyri møguligum broytingum í arbeiðsuppgávunum.
• Hava góðan røkjuskap.

Setanarviðurskifti:

Starvið er 15 tímar um vikuna.

Løn og setanartreytir sambært sáttmála millum Føroya Arbeiðarafelag og Føroya Arbeiðsgevarafelag.

Fleiri upplýsingar:

Meiri fæst at vita um starvið við at seta seg í samband við Janus Thomsen, borgarstjóra á tlf. 593336.

Umsókn:

Umsóknir saman við CV og møguligum viðmælum skulu vera Hvalbiar Kommunu í hendi í seinasta lagi mikudagin 5. august 2026 kl 12.00. Merkið umsóknina ”Reingerðarfólk”.

Hvalbiar Kommuna tilskilar sær rætt til frítt at velja ímillum umsøkjararnar ella ongan at seta.

Hvalbiar Kommuna

Bíarvegur 2

850  Hvalba  –  tlf. 375033

T-post: hvalba@hvalba.fo

The post Reingerðarfólk til Hvalbiar skúla first appeared on Hvalbiar Kommuna.

Hvalbiar Kommuna

The post SUMMARFRÍ first appeared on Hvalbiar Kommuna.

Talan er um eitt avbjóðandi, mennandi og spennandi starv við góðum starvsfeløgum. Arbeiðið sum námsfrøðingur er í tøttum samstarvi við barnaverndartænastuna og onnur fakfólk.

Arbeiðstíðirnar eru skiftandi dag, kvøld og vikuskiftir.

Søkt verður eftir námsfrøðingi sum:

· Dugir væl at samstarva og samskifta bæði í skrift og talu

· Vísir virðing yvir fyri familjunum og børnunum/teim ungu

· Kann virka fyri, at foreldur fáa neyðugan stuðul og ráðgeving til foreldrauppgávuna

· Kann hjálpa børnum/ungum at fáa ein tryggan, mennandi og skipaðan gerandisdag

· Dugir væl at gera eygleiðingar, góð mentaliseringsevnir og er fakliga væl fyri

· Hevur dirvi at taka ábyrgd og arbeiða sjálvstøðugt

Vit bjóða:

• Eitt spennandi og mennandi starv, í fakliga sterkum umhvørvi
• Eitt starv við ymiskum arbeiðstíðum, har ein skipar arbeiðsdagarnir í samstarvi við umsitingina hjá Barnaverndartænastuni og familjurnar
• Skrivstovu inni á umsitingini
• Sparring og vegleiðing frá starvsfólkunum hjá Barnaverndartænastuni
• Supervisión

Førleikar:

Útbúgving sum námsfrøðingur ella aðra viðkomandi útbúgving. Viðkomandi royndir er ein fyrimunur.

Neyðugt er, at umsøkjarin hevur koyrikort og atgongd til egnan bil í arbeiðnum.

Um Suðuroyar Barnaverndartænastu

Suðuroyar barnaverndartænasta er staðsett á Tvøroyri og umfatar allar 7 kommunurnar í Suðuroynni. Tað starvast 3 sosialráðgevar/málsviðgerðar í umsitingini afturat leiðaranum, ein skrivari, ein námsfrøðingur og ein sálarfrøðingur.

Endamálið hjá Suðuroyar Barnaverndartænastu er at ansa eftir teimum børnum og ungum, sum vegna sosial vandamál, liva undir viðurskiftum, ið kunnu skaða teirra vælferð og menning, og veita teimum ta hjálp, ið er neyðug fyri at greiða støðu teirra.

Eitt týðandi mál fyri Barnaverndartænastuna er at syrgja fyri, at hjálpin verður sett í verk saman við familjuni, at tilboðið er tað besta og at gerandisdagurin hjá barninum og familjuni ávirkast so lítið sum gjørligt.

Lønar- og setanartreytir

 Talan er um fast starv og verður sett at byrjað 01. septembur 2026 ella eftir nærri avtalu.

Løn sambært sáttmála millum Kommunala Arbeiðsgevarafelagið og Føroya Pedagogfelag, sum Námsfrøðiligir ráðgevar á lønarstigunum 19, 21, 23, 25 og 26.

Umsóknarfreist

Umsóknin skal vera okkum í hendi í seinasta lagi 23. juli 2026 kl.12.00, saman við prógvum, CV og øðrum viðkomandi skjølum.

Suðuroyar Barnaverndartænasta tekur sær rætt til at lýsa starvið av nýggjum, um mett verður, at ov fáir skikkaðir umsøkjarar eru til starvið.

Meira fæst at vita um starvið, við at venda sær til leiðaran Jónleyg O. Finnsdóttir á tlf. 288085/611090 ella teldupost: jonleyge@tvoroyri.fo.

Fyri at arbeiða á einari Barnaverndartænastu er neyðugt, at loyvi verður givið til at innheinta barnaváttan og revsiváttan.

Umsóknin skal sendast við vanligum posti ella telduposti til:

Suðuroyar Barnaverndartænasta

Sornhúsvegur 22

Postboks 104

800 Tvøroyri

Teldupost; jonleyge@tvoroyri.fo ella barnavernd@tvoroyri.fo

The post  Námsfrøðiligur ráðgevi til Suðuroyar Barnaverndartænastu first appeared on Hvalbiar Kommuna.

Fundarskráin er:

1. Fyrispurningur – byggisamtyktin.
2. Skriv frá Umhvørvisstovuni viðvíkjandi navni á vegi.
3. Ikki alment mál.

The post Fundarskrá til kommunufundin 22. juni first appeared on Hvalbiar Kommuna.

The post Ung í arbeiði 2026 – arbeiðsætlan first appeared on Hvalbiar Kommuna.

Hetta arbeiðið er partur av einari heildarferðsluætlan fyri Hvalba. Fyrsta stigið er at gera Hvalba til eina 40 km/t-sonu, sum hevur fingið neyðugu góðkenningina frá viðkomandi myndugleikum.

Næsta stigið verður at seta upp ferðslutálmandi skipanir gjøgnum bygdina, serliga í Garðsenni, har nógv børn javnan uppihalda seg.

Staðsetingin av skeltunum, ið marka 40 km/t-sonuna, sæst á myndini.

The post 40 km sona first appeared on Hvalbiar Kommuna.

• Námsfrøðingum til barnagarðstovu á 30 – 40 tímar um vikuna, harav eitt av 

  størvunum er eitt barsilsfarloyvistarv á 30 tímar 15.09.26 til 15.08.27.  

• Námsfrøðingum til frítíðarskúla á 20 – 25  tímar um vikuna. Størvini verða at byrjað í

  august 2026 eftir nærri avtalu. 

• Einum námsfrøðingi til vøggustovu í farloyvistarv á 30 tímar 10.08.26 til 09.05.27

• Fastir avloysarir til feriu, sjúku o.l.

Námsfrøðingar, ið fáa prógv í summar, eru vælkomnir at søkja.

Um námsfrøðingar ikki verða settir, verða hjálparfólk sett tíðaravmarkað.

Um stovnin

Brosið er ein kommunalur dagstovnur, ið lat upp í august 2017.

Vit hava eina vøggustovu, tvær barnagarðstovur og frítíðarskúla.

Stovnurin er í einum náttúruríkum umhvørvi, tætt við skúlan, fótbóltsvøll, kommunala spæliplássið og fjøruna.

Vit hava sera góðar umstøður, bæði innan- og uttandura, sum geva børnunum góðar møguleikar fyri stimbran og menning.

Vit kunnu bjóða:

•  eitt umráðandi og spennandi starv, har tú kanst verða við til at mynda og menna 

   námsfrøðiliga arbeiðið á stovninum

•  eitt starv, har tú kanst hava ávirkan og nýta tínar dygdir

•  at tú verður partur av einum góðum og dugnaligum starvsfólkahópi

•  eitt starv, har tíð er sett av til fyrireiking og eftirmeting av námsfrøðiliga arbeiðinum

Vit vænta, at tú:

 •  hevur ein jaligan hugburð og sær møguleikar heldur enn forðingar

 •  tekur ábyrgd, kanst taka avgerðir og arbeiða sjálvstøðugt

 •  ert við til at menna námsfrøðiliga arbeiði á stovninum

 •  hevur góð samstarvs- og samskiftisevni.

 •  kanst geva børnunum ein tryggan, mennandi og fjølbroyttan gerandisdag

 •  ynskir áhaldandi at menna teg fakliga

 •  kanst arbeiða við teimum námsfrøðiligu amboðum sum stovnurin brúkar

Setanarviðurskifti

Starvið verður sett sambært sáttmála millum Føroya Pedagogfelag og Kommunala Arbeiðsgevarafelag Føroya.

Sambært barnaváttanarlógini §2, hevur arbeiðsgevarin skyldu til at fáa barnaváttan til vega, áðrenn umsøkjari verður settur í starv.

Meira fæst at vita um størvini, við at venda sær til Siri Næs Olsen, stovnsleiðara á tlf. 237580

Umsókn saman við prógvi, cv og møguligum viðmælum, skal verða Hvalbiar kommunu í hendi í seinasta lagi mikudagin 17. juni 2026  kl.12.00.

Hvalbiar kommuna

Bíarvegur 2

Fo-850 Hvalba

ella til hvalba@hvalba.fo

The post Námsfrøðingar og avloysarir til Dagstovnin Brosið í Hvalba first appeared on Hvalbiar Kommuna.

Lýsing.

Upptikin í Tvøroyrar Kommunu tann 28-05-2026 eru:

Ær: Skoti/blakkur.

Mark á høgra oyra: Hálvt frá halsi og úlvinfinn framman.

Mark á vinstra oyra: Framman sneitt og biti framman (sera smátt/fínt markað).

Orangelitt, avlangt plastspjaldur undir hálsinum.

Lamb: skoti/blakkur.

Mark á vinstra oyra: Hálvt frá hálsi.

Høgra oyra: Einki mark.

Seyðurin er upptikin vestan fyri Hellá í Trongisvági.

Eigarin kann við at venda sær til Løgregluna á Tvøroyri innan 10-06-2026 fáa ær og lamb útflýggjað móti at rinda tær útreiðslur, ið hava staðist av upptøkuni.

Politiið á Tvøroyri.

GG: Tilvildarlig mynd

The post Framlýsing av ær og lambi, sum eru upptikin first appeared on Hvalbiar Kommuna.

Arbeiðið hevur til endamáls at fríðka um í kommununi og kann m.a. fevna um at fríðka, lúka, mála, upprudding, viðlíkahald av gøtu og vegum og so framvegis.

Umsøkjarin má vera fyltur 14 ár áðrenn 22. juni 2026 men má ikki fylla 17 ár áðrenn 3. juli 2026.

Byrjað verður mánadagin 22. juni.

Freistin at søkja er fríggjadagin 12. juni 2026.

Melda teg til við at fylla út teigarnir niðanfyri og send tilmeldingina inn:

The post Ung í arbeiði 2026 first appeared on Hvalbiar Kommuna.