Barnaansing

Dagstovnurin Brosið er ein kommunalur stovnur og lat upp 31.08.2017.
Stovnurin hevur sera góðar karmar, og liggur í einum náttúruríkum umhvørvi, tætt við skúlan. Vit hava eitt stórt spælipláss, har børnini hava góðar møguleikar at fáa avbjóðingar og upplivingar, alt eftir sínum aldri og førleikum.
Á stovninum er 1 vøggustova við børnum 0 – 3 ár, 2 barnagarðsstovur við børnum 3 – 7 ár og frítíðarskúli fyri børn í 1. 2. og 3. flokki.
Vit hava ein skúlabólk, sum er saman einaferð um vikuna.

Stovnurin er opin allar yrkadagar frá kl. 7.30 til 17.00.
Vit ynskja, at børnini eru á stovninum í seinasta lagi kl. 9.30. Um barnið kemur seinni, mugu foreldrini ringja ella skriva eini boð til stovuna áðrenn kl 9.30 og gera eina avtalu við starvsfólki.

Ansingargjøld í Brosinum

Vøggustovupláss kr. 1.800,- um mðr. í 11 mðr.
Barnagarðspláss kr. 1.700,- um mðr. í 11 mðr.

Juli mánaður er gjaldsfríur
Gjaldast skal fyrst í mánaðinum, við fastari flyting.
Systkinaavsláttur
Dýrasta plássið skal gjaldað 100 %
2. dýrasta 75 %
3. dýrasta 50 %
4. dýrasta 25 % gjald av fulla gjaldinum
Foreldur kunnu søkja um frípláss. Søkjast skal innan 1. juli á hvørjum ári. Umsóknarblað er at fáa frá leiðaranum, og kann eisini printast út á heimasíðuni hjá kommununi.
Skal eitt stovnspláss sigast upp, hava foreldur 1 mánað uppsagnarfreist, galdandi frá 1. í einum mánaði. Eitt stovnspláss kann uppsigast vegna vantandi gjald. Um eftirstøðan ikki verður goldin, ella skrivlig avtala ikki fyriliggur um afturgjalding av hesari, kann stovnsplássið uppsigast eftir 3. mðr.